Dat ha´ck nich dachtvon Theo Mönch-Tegeder"Dat verdüwelte Moped ! To, du Blixum, spring an !" Schaipers Unkel flokte nich slecht. He moss drock noh Hus hento, un nu stönn he met sin Mopedken vör de Kerke un konn nich weg. Dat Rädken woll nich anspringen. "Ick tree di in´t Gatt!" bölkte he un trede en paor maol in de Pedaolen, dat se wall afbrecken wollen, man dat Moped segde en paor maol von "Futt - putt-putt - futt" - dann was´t weer daone un et stönn. "Satan noch maol !" - Unkel was heelmaols grell. - "Na, na, na, Herr Schaiper !" - He har gar nich merket, dat de Pastor achter em ut de Kerke kummen was un sick dat Spill bekeek. "Na, Herr Schaiper, warum fluchen Sie denn so ! Gerade noch haben Sie in der Kirche gebetet und sogar den Leib des Herrn empfangen und jetzt rufen Sie hier direkt vor dem Hause Gottes nach dem Satan, daß man meinen möchte, er würde wirklich nicht mehr lange auf sich warten lassen." "Ach, Här Pastor, et is ja ok alls verdü-, deukernochmaol, et is verdreiht, woll ick seggen. Ick mot so nödig noh Hus hen, bi us uppen Hoff wocht´t en Berg Arbeet up mi, un nu will denn Sa-, verdüllt noch maol, den Sagebuck van Moped, woll ick seggen, nich anspringen. Bin´k bi all de Drockte äs maol uppen Wökeldag in de Kerke gaohn - un nu lohnt use Härgott et mi so." "Jetzt machen Sie auch noch unseren Herrgott dafür verantwortlich, daß Ihr altes Moped nicht läuft ! Dabei haben Sie bestimmt schon seit Jahren die Zündkerzen nicht mehr ausgewechselt ! Aber trotzdem ist das noch lange kein Grund, so gottserbarmlich zu fluchen, wie Sie es ständig tun. Das sollten Sie sich schleunigst abgewöhnen. Sie wissen ja: Jeder Fluch ist eine Beleidigung Gottes. Anstatt zu fluchen, sollten Sie dem Vater im Himmel besser ein Loblied singen und ihm danken. Sagen Sie doch einfach, wenn es Ihnen wieder einmal danach ist, zu fluchen, "Gelobt sei Jesus Christus"; Sie werden sehen, wie leicht Sie dann diese Sünde der Gotteslästerung ablegen können." "Deu-, Gelobt sei Jesus Christus, wo´ck seggen, dat mag alls wall wesen, man dorvan löp min Moped nu ock nich." "Na, wenn Sie es mal mit Bedacht antreten und nicht mit gewaltigen Tritten und Worten traktieren - vielleicht hilft es." "Tja, wenn Ih dat meint - et is ja nich so, äs wenn ick et nich äs maol versöken woll. Dann man - Gelobt sei Jesus Christus." - Unkel trappelde heel smöö in de Pedaolen - un süh - dat Moped lööp! Unkel winkde noch metten Hot noh Pastor hen, äs he up de Straote inbogde. De bleef för de Kerke staohn, stüdde de Hanne in de Siete un schüddelkoppde: "Düwel un drei Dage, dat ha´ck doch nu verdammt nich dacht !" Quelle: Lengericher Geschichte(n), Nr. 4, Heimatverein für das alte Kirchspiel Lengerich e.V., Lengerich 1998, S. 34 |
| Quelle: www.heimatarchiv.de |
|